Indonesia Lihnin Le Tsunami Ruang Ah Minung 1763 Tiang An Thi Cang

City Hunter| 2018 Tho 8| Indonesia ram lihnin le Tsunami lihnin ruang ah nikhat hnu nikhat in a thimi an tam chin lengmang i minung 1763 tiang an thi cang. A tlaumi zapi hi 5000 renglo an si cang tiah AFP nih a langhter.

A ruak hmuh rih lomi minung 1000 paoh cu inn a purmi, a cimmi nih a nenh theu lai tiah nawlngeitu cozah nih an ruahdamh.

Lihnin hi September 28 in aa thawk i 7.5 tiang a tha a thawngmi lihnin a si. September 28 ahcun a thimi zapi 844 lawng an si nain October 2 ahcun 1200 tiang an phan. October 3 ahcun a thimi 1347 tiang an phan. A thimi nikhat hnu nikhat in an karh chin lengmang i October 8 zingka ahcun a thimi 1763 tiang an phan cang. An ruak hmuh khawh lo in a tlaumi hi minung 5000 hrawng an si.

October 3 zingka ah meitlang zong a puak. October 2 ahkhan Indonesia siangngakchia 34 ruak cu a rawkmi biakinn pakhat chung ah an hmuh hna. Minung singhnih (200,000) hrawng lakhruak in zohkhenh an herh i hi chung ah ngakchia tampi an i tel tiah UN lei in mi bawmchantu phu nih an thanh.
Ref: BBC Burmese, RFA Burmese

Na ruahning rak langhter ve.. (Leave a comment)

%d bloggers like this: