Indonesia vanlawng a thawh tlawmpal ah a tlau
Salai Tluangkipthang| 2021 January 09 — Indonesia khualipi Jarkarta in a thawh mi khualtlawng vanlawng minung 62 tluk nih an i cit mi a thawh tlawmpal ah a tlau tiah BBC nih a thanh.
Sriwijaya vanlawng Boeing 737 Jarkata in nitlak lei Pontianak ah a zuang mi a tlau tiah tuanvo ngeitu nih an thanh.
A thawhnak in Pe 10,000 tluk a san a phanh hnu ah pehtlaihnak tuah khawh a si ti lo tiah theih a si.
Vanlawng cu mintlau lek nih hnahnawhnak a pek hnu ah rili ah a tla i, a puak tiah a hmutu nih an chim mi cherhchan in BBC nih a thanh.
Tikulh ah a um mi vanlawng a tlaknak a hmu mi nih vanlawng puak mi pelpawi an hmuh tiah BBC sin ah an chim.
Cozah lei nawlngeitu nih a tlau mi vanlawng kawlnak cu an thawk cang tiah an thanh.
Tutan vanlawng a tla mi hi kum 26 tluk an hman cang mi Boeing 737-500 a si tiah an thanh.
