Inn 500 leng khanghpiak a tong mi nichuah lei Si khuami 2,000 leng bawmhnak an herh

The Chinland Post | 2022 July 19 – SAC ralkap nih khanghpiak ruangah inn 500 leng a rawhnak Sagaing ramṭhen, Kalay peng, nichuah lei Si khua mipi 2,000 leng nih eidin bawmhnak an herh tiah theih a si.

SAC ralkap pawl an rat tawnnak lam in raa loin adang lam in an rat cun phone line le internet line a rawh ruangah thilrii i put manh loin zaam colh a si tiah nichuah lei Si khuanu nih DVB ah a chim.

Hriamngan nih a khen ruangah a paw ṭhitmi an um i a pawngkam khua phungki sianginn le lei ah thlam sak in um a si caah eidin le ngandamnak lei zohkhenhnak a herh ko tiah kahdohnak chungah sii a tlamtling lo i a fapa a thimi nu pakhat nih DVB ah a chim.

Nichuah lei Si khua cu SAC ralkap nih May thla thok in an khangh hi a si i inn 800 chungah inn 500 leng a kaang i mipi 2,000 leng eidin an har.

Ralzaam bawmhnak pawl a phak khawhnak hnga lam a har tuk tiah Si khuami pakhat nih a chim.

Kalay peng ah SAC ralkap nih a khanghmi inn 2,000 leng an si cang.

Na ruahning rak langhter ve.. (Leave a comment)

%d bloggers like this: