Inn Hrawhpiak Mi Hna Lila Nih Anmah Tein Thianhhlimhnak An I Tuah Lai

Salai Elvis|20 August 2019| August 20 ah Chin ramkulh cozah nih Hakha, Cawbuk pawngkam phungning lo in inn sami pawl cu seh-kyi 10 thazaang le minung 300 hrawng thazaang in an hrawhpiak mi hna cu inn a satu lila nih anmah tein thianhhlimhnak an i tuah rih lai tiah vuanci Pu Sui Thio nih a chim.

“Tutan ah phungning lo(cu-caw) inn a sa mi cu cozah lei nih phungning in kan hrawhpiak hna mi hi phung ning lo in a satu hna lila nih an mah tein thianhhlimhnak an i tuah ko lai. Cun inn hmun a soktu hna zong a rauh hlan ah cazin kan zohfel lai i hmunhma kan pek colh ko hna lai. Phungning lo inn a sami hna cu pek phung an si lai lo” tiah vuanci Pu Sui Thio nih TCP ah a chim.

Tutan ah cozah nih sipin Area chungah ekah 676 chiahding in hmun a humhak mi chungah inn 135 aa sa cia mi cu Cozah nih phungning lo in inn a sa tiin hrawhpiak ding in nawl a chuah hi si. “717 hrawng hmun a lawng mi chungah inn hmun a sok tu minung 1945 nih an sok cang tiah kan theihtawk a si.

Cu hna pawl cu kan mah nih tha tein kan zohfel than hna lai i cheu thum ah cheu khat an tang te hnga maw? Hi chungah inn hmun sok than a duh mi zong nih a ngah ti lo, August 18 ni khan a caan kan phih cang” tiah a chimchap.

Tutan innhmun samh ding ekah 676 chungah inn ekah 372 chung lawng inn hmun samh a si lai i cuchungah inn hmun pe 100×100 (hmun 22) pe 80×80 (hmun 75), 60×80 (hmun 445), pe 60×40 (hmun 22) le a thar hmun 53 a zapi hmun 717 an samh lai tiah kan theih.

Hakha inn an hrawh lio video hika ah zoh khawh a si.

 

Na ruahning rak langhter ve.. (Leave a comment)

%d bloggers like this: