Innlo a zaamtak mi 1.5 million an phan

0

The Chinland Post | 2022 December 10 – UN nih 2022 November 28 ah a thanh mi cazin ning ah ralkap nih hramhram in uknak a lak hnu ah a chuak mi ramchung kahdohnak le himnak um lo ruang ah innlo a zaamtak mi hi 1,160,100 tiang an phan tiah a thanh.

October thla dongh lei cazin he kan tahchun a si ahcun hmunhma kip ah SAC ralkap an phanh ruang, mi an thah ruang, mipi sawhawh an i tinh hna ruang le vanlei in kahdohnak a tuah ruang ah a zaam mi 50,800 an karh.

UN cazin hi Karen, Karenni hmunhma i ralzaam hna caah rian a ṭuan mi phu pawl cazin he tahchun a si ahcun a tlawm lei a si. Cucaah innlo a zaamtak mi hi atu cazin nak in an tam chin lai.

Ralkap nih hramhram in uknak a lak hlan kahdohnak le buainak ruang ah a zaam mi hi 330,400 an si tiah UN nih a thanh. Cucaah ralkap nih uknak an lak hlan le an lak hnu ah innlo a zaamtak mi an zapi te hi 1.5 million hrawng (1,490,500) an si cang.

About The Author

Na ruahning rak langhter ve.. (Leave a comment)

%d bloggers like this: