Innwa Bank Dah lo Hakha Ah Bank Dang An Khar Dih

Salai David Van | TCP-Hakha | 2021 February 9 |Chinram kulh khualipi Hakha ah Innwa Bank dah ti lo  Bank dang an khar  dih tiah theih a si.

Hi kong he  petlai in CB Bank Security riantuan Pu Tawk Tling nih “ kan nih CB Bank hi cu zung  riantuan pawl an kai lo caah le internet line a that lo caah a luancia febuary 8 (cawn nikhat ni ) khan kan khar nak a si. Cun hitining tein internet line a that lo le zung riantuan pawl an kai hna lo cun zeitik tiang kan khar lai theih a si rih lo. Tuzarh chung tu hi cu kan khar ko men lai tiah” TCP ah a chim.

Cun, Myanmar Commercial Bank zong hi zungrian pawl a kai mi a um lo caah le internet line a that deuh lo caah caan karlak cu kan khar ko. Tulio khua caan ah hin mifir le thiltha lo tuahtu hna an um sual lai tiah security pawl lawng kan kai tiah min langhter duh lo pakhat nih TCP ah a chim.

Inwa Bank tu cu Central Bank lei nih khar uh a kan ti lo cun kan khar rih lai lo tiah tuanvo ngeitu pakhat nih a chim.

Hakha Bank cheukhat ahcun ramchung phaisa lutchuak cu tuahpiak an si ko nain ramleng lei cu an tuahpiak hna lo tiah theih a si. Innwa Bank hi ramleng lei phaisa kuatmi ( Western Union) a ngah lo i ramchung lawng a ngahmi a si tiah kan theih.

Na ruahning rak langhter ve.. (Leave a comment)

%d bloggers like this: