Iran Nih Nuclear Bomb Ser Lo Hnatlaknak A Ngeihmi Buar In Nuclear Bomb A Ser: Netanyahu
Salai Aung Aung| 2018 May 1| Iran nih Nuclear bomb ser lo ding in vawleicung ram kip he 2015 ah hnatlaknak an tuah mi cu pah in Nuclear bomb ser pah in hring len in a kan hlen cuahmah tiah Israel Prime Minister Benjamin Netanyahu nih naite Zarhpi ni ah khan a chim.
Israel ngiathlaitu nih kan tlaih tiah an chimmi Iran Nuclear sernak kong he aa pehtlaimi catlap pawl, cazin pawl, hmanthlak le Video pawl aa tel mi tlenmi catlap (coppy) tampi zong Israel thawngthanhnak zung in Benjamin Netanyahu nih mizapi a hmuhsak hna. Iran nih Nuclear an sernak he aa pethlaimi catlap sing khat (100,000) tluk Israel nih an hmuh i a himbawmnak hmun an kin ko nak kong zong a chim.
Hi catlap pawl ning in hin Iran nih Nuclear an ser ko tinak a fiangmi tehte a lang tiah a chim fawn. Tu bantuk in Netanyahu nih a chimmi kong ah Iran lei kap in zeihmanh lehnak an chimmi a um rih lo. Asinain Iran ramdang pehtlaihnak Minister Javad Zarif nih cun mi cheukhat lawng tu le tu hlen in an molhter khawh hna lai tiah a rak chim bal.
Ref: VOA
About The Author
