IS Ralhrang Hruaitu Abu al-Baghdadi Kan Thah Khawh Cang: President Trump

TCP-Thantlang|2019 Tho 28| Vawleicung misual ralhrang phu lakah tihnung bik tuanbia a tialmi Islamic State (IS) i an hruaitu Abu Bakr al-Baghdadi cu US special ralkap nih Syria ah an thah khawh cang tiah President Trump nih inn rangpi chungah a fehter.

Hi chungah US lei ralkap minung pakhat hmanh an thi lo i IS hruaitu Baghdadi le a ralkap tampi an thi tiah Trump nih a chimhchih. Turkey he a naihnak Idlib pengkomh ah ai thup, US spy nih a umhmun an theihnak zarhthum hrawng a si cang. Caan sau nawn an ngiat hnu ah an luh hnawh hna hi a si.

Abu al-Baghdadi cu vawleitang khur ah a lut i, alung dongh hnu tuah awk theih ti lo ah aa kenmi bomb a puah i amah tein ai that lawlaw. A pawng ah ummi a fale 3 zong an thi chih ve tiah theih a si. (Ref: RSC, VOA)

 

Leave a Commnet

%d bloggers like this: