May 14 Hi Israel Independence Day A Si Caah American Palai Zung Jerusalem Ah Hunnak An Tuah Lo

Salai Aung Aung| 2018 May 14| Jerusalem khuapi ah American palai zung cu a rauh hlan ah hun cang ding in Donald Trump fanu Ivanka le a pasal Jared Kushner cu Israel an phan cang. Palai zung cu May 14, Cawnni khat ah hunnak tuah ding an timh nain Israel Independence Day (Israel Luatnak Ni) a si caah an tuah than lo.

People walk past a giant banner on a building congratulating U.S. President-elect Donald Trump, in Jerusalem, January 20, 2017. REUTERS/Ammar Awad

Tel Aviv i American palai zung cu Jerusalem i milutchuak cazin laknak US zung chungah chikkhat kar cu a um chung lai tiah theih a si.

Hihi President ca ding minung thimnak an rak tuah chung lio ah Trump nih biakamnak a rak tuahmi a si. Asinain ramdang hruaitu pawl nih cun hi bantuk thil tuah hi buaibainak le alhnialnak a chuahter tu thil pakhat in an hmuh.

Israel nih Jerusalem cu an khuahlipi ah an chiah nain Palestine pawl nih Nichuah Jerusalem cu hmailei chunmang Palestine ram hna caah khuahlipi pakhat ah an chiah ve.

Palestine le Israel, Kaphnih kar remdaihnak ser ding timhtuahnak le zuamnak ah tanhhlei ngei lo chunglaitla tein rian tuan ding US nih a ngeihmi mumai cu Trump biachahnak nih a donghter cang.
Ref: VOA

Na ruahning rak langhter ve.. (Leave a comment)

%d bloggers like this: