Israel ram ah thlahmi Tuluk Ambasasador pa a inn ah a ruak in an char

Tuluk Ambassador pa a umnak inn hmai, Tel Aviv khuapi - Reuters

Tuluk in Israel ram ah Ambassador a tuan cuahmah mi Mr. Du Wei cu Tuluk Tanzung (China Embassy) umnak Tel Aviv khuapi, amah a innchung ah a ruak in kan hmuh tiah Israel ramleng pehtlaihnak le palek nih thawng an thanh.

A ruak cu May 17 zingka ah an hmuh a si i, “zeitin dah a thih, a thihnak a ruang atu tiang kan hmu kho rih lo. Kan hlathlai lio a si,” Israel palek nih thawng an thanh.

Media cheukhat nih cun Du Wei hi lung zawtnak in a thi tiah an ti nain palek nih cu kan fehter kho rih lo tiah an chim.

Israel ramleng pehtlaihnak in Director a tuanmi Yuval Rotem nih Tuluk Ambassador changtu telephone in pehtlaihnak a tuah i, “atu bantuk in Ambassador pa a thihnak kong ah Israel nih a herhmi bawmhding le tawlrel ding in,” a chim tiah Israel nifin chuak Haaretz thawngzamh nih a tial.

Ambassador pa Du Wei hi tukum February ah Israel a phanmi a si. Cuhlan ah Ukrain ram ah rian a tuantu a si.

President Donald Trump nih cun Israel le Palestine nih nihin tiang an i cuhmi Jerusalem khuapi cu Israel khualipi nih a cohlan caah US Embassy cu Jerusalem khuapi ah a tthial cang. Asinain Europe ram telh in vawleicung ram tampi cu Jerusalem si loin Tel Aviv khuapi lawng Israel ram khuapi ah an pom caah an Embassy cu Tel Aviv khua tu ah hram an bunh dih.

Ref: Aljazeera

Na ruahning rak langhter ve.. (Leave a comment)

%d bloggers like this: