Japan nih Myanmar ram caah 60 Million leng bawmhnak a pek lai
The Chinland Post | 2023 March 1 — Myanmar ah hramhram in uknak lak a si ruang ah harnak a tong mi hna caah Japan ram nih bawmhnak a pek chap lai tiah Japan ram ramdang lei Ministry nih a thanh i khenkhamnak um lo tein bawmhnak a herh mi hna sin a phak khawh nak hnga Myanmar ram lei nihlam awnh ding in a hal.
Atulio Myanmar ram hmunkip ah hramhram thiltuahnak a karh chin bantuk in bawmhnak a herh mi an tam chin caah USD $ 60 Million leng bawmhnak pek rih ding in Japan cozah nih bia a khiah.
Bawmhnak pawl cu UNHCR, UNICEF, WFP phu hna telh in UN le vawlei cung phu hna sin in pek a si lai. Ralzaam hna caah eidin, sii, umnak leng ah ti le ngandamnak lei bawmhnak le fimcawnnak lei bawmhnak leng ah phunglut lo riithai sii hna hrawhnak caah hman a si lai tiah Japan cozah nih a thanh.
Myanmar ram ah SAC nih hramhram in uknak a lak caan kum 2 chung ah Myanmar ram mipi hna caah Japan ram nih bawmhnak USD $ 47 million a bawmh cang tiah Japan ramdang lei Ministry nih a thanh.
About The Author
