July 2 In Caankarlaknak Thimnak Caah Aa Cuhtu Ding Palai Min Cazin Pek Khawh A Si Cang

0

City Hunter| 2018 May 27| Aralaimi caankarlaknak thimnak caah thimnak aa cuhtu ding palai min cazin cu July 2 thawk in cazin pek khawh a si cang tiah ramkomh thimnak commission nih an thanh.

Cazin pek caan cu zarhkhat renglo deuh te lawng an onh caah July 11 ah a hnu bik pek dih ding a si lai. Min cazin pekmi zuhlaak (hrawh) than duh ahcun July 13 ah a hnu bik laak le hrawh than ding a si lai. Thimnak aa cuhtu ding palai min cazin pekmi cu July 16-22 tiang an chekhlat lai tiah an thanh chih.

2017 April 1 ah caankarlaknak thimnak an rak tuah i a ralaimi November 3 ah atu bantuk in caankarlaknak thimnak an tuah than hnik hi a si.

Caan karlak thimnak tuahding MP thutdan a lawngmi cu; Pyithu hluttaw in thutdan 4, Amyothar hluttaw in thutdan 1, ramkulh le ramthen hluttaw in thutdan 8, a zapi MP thutdan 13 a si. Hi chung ah Chin ramkulh in a lawngmi MP thutdan pahnih cu; Kanpetlet peng in Pyithu hluttaw MP thutdan pakhat le Matupi peng in ramkulh hluttaw MP thutdan pakhat an si.
Ref: DVB Burmese

About The Author

Na ruahning rak langhter ve.. (Leave a comment)

%d bloggers like this: