June 4 Thawk In Tanghra Awnnak Mark Cazin Lak Khawh A Si Lai

0

TCP-Thantlang| 2018 June 3| 2018 kum tanghra awnnak Mark cazin cu thaizing (June 4) thawk in chuah le laak khawh dingin kan tawlrel tiah cachecknak lei zung in Director Dr. Thein Zan nih a chim.

Kawlram chung ca checknak zungpi (Hlaing University kulhchung) Zuaikapin sawng le Naypyidaw zung (No.52) ah a awngmi pumpak asiloah midang nih lakpiak khawh a si i na awnnak roll no. (khung number) le na min a herh lai.

“June 2 sungh awn thanh hnu zarhkhat chungah Mark laak khawh colh dingin kan tawlrel. Hi awnnak mark cazin laak hi nikhat hnu nikhat minung an tampin ah a har tuk tawn. Sihmanhsehlaw, kumdang nakin fawizaang deuh in an laak khawh nakding kan i zuam lai. June 4 thawk in laak khawh a si cang lai” tiah Dr. Thein Zan nih a chim.

“Hi laak nakah Seal namh man minung pakhat nih ks. 400 an dih lai. Buaktlak in minute pakhat ah minung pakhat nih tuah kho dingin kan tawlrel lai. Kum dangah cun puaisa sin in an laak caah tangka tampi an dih tawn. Tawlreltu zungriantuantu hna zong nih ks. 400 lawng laak dingin kan chimh hna lai” tiah Dr. Thein Yan nih a chimchap.

June 2 ah thanhchuahmi ning in Myanmar ram pumpi ah tanghra a phimi 789,845 an si i 259,191 an awng. Myanmar ram pumpi huap in tanghra a awngmi zatuak hi 32.82% an si.

Ref: 7Daydaily, Duwun

About The Author

Na ruahning rak langhter ve.. (Leave a comment)

%d bloggers like this: