June thla chung KNU hmunhma pawl ah kahdohnak 360 leng a chuak, SAC ralkap 400 leng an thi
The Chinland Post | 2022 July 6 – Karen National Union (KNU) Kawthulay hmunhma, June thla chung ah kahdohnak voi 365 a chuak i SAC ralkap lei in a thimi an tam tiah KNU nih a thanh.
KNU hmunhma pawl ah KNLA,KNDO, PDF phufonh le SAC ralkap, BGF karlak ah nifatin in kahdohnak a chuak.
Kahdohnak ngan/hme he a zapi te kahdohnak voi 365 a chuak i SAC ralkap le BGF lei in 410 an thi, 335 nih hliamhma an tuar tiah a thanh.
KNLA/KNDO phufonh lei in 17 an nunnak a liam i 28 nih hliamhma an tuar tiah a langhter.
June thla dongh lei ah KNU battalion 6 hmunhma Ohkayithta sakhaan ah kahdohnak a fak i SAC nih vanlei kahdohnak voi tampi a tuah. June 27-30 tiang ni 4 chungah SAC nih vanlei bawmhnak 94 a tuah tiah a langhter.
Ohkayithta sakhaan cu lak ding in mipi hriamtlai phufonh nih June 26 thok in kahdohnak an tuah lengmang i July thla hramthok tiang zarhkhat chung kahdohnak a rau.
About The Author
