Kachaung khua kahdohnak ah ralhrang 5 an thi, 9 leng an i hliam tiah CDF-Kanpetlet nih a thanh
The Chinland Post | 2022 March 9 – Magway ramṭhen le Chin ramkulh aa tonnak Kachaung khua ah March 9 zing sml 10:30-11:45am tiang Chinland Defense Force-Kanpetlet (CDF-Kanpetlet) le ralhrang kar ah sml 1 reng lo kahdohnak a chuak.
Cu kahdohnak ah, ralhrang 5 hrawng an thi i 9 hrawng an i hliam. Ralhrang pawl cu tlik le zaam in hmunhma an laknak ah PDF-Yaw nih an hmanhmi bom an i lam sual caah hliamhma a pumi an tam.
Mipi hriamtlai phu in aa khawngdengmi um lo tein hnu an kir kho tiah theih a si.
Ralhrang nih CDF-Kanpetlet umnak hmunhma pawl ah thazang tampi in kahdohnak tuah le bawmtu tampi a chap lengmang caah zeitik caan poah kahdohnak a chuak kho. Cucaah, mipi hna nih CDF-Kanpetlet nih a chuahmi cathanh zul peng dingin CDF-Kanpetlet nih March 9 ah cathanh a chuah.
About The Author
