Kachin Ngakchia Pathum Nih Ramkip Karate Zuamnak Ah Sui Medal Laksawng An Co
TCP-Hakha| 2019 April 23| Japan ah tuahmi ramkip dirhmun- International Karate Friendship 2019 Championship zuamnak ah Kachin ngakchia pathum; Ja La, San Mai Nu le Sai Lat Aung nih champion laksawng sui medal an co.
Kum 8 ngakchiapa Maranggya hi Singapore ram 2018 September thla zuamnak Asia ram 10 in Karate zuamcawhnak ah sui medal a rak ngah bal cangmi a si.
International Karate Friendship 2019 Championship zuamnak hi World Cup Karate Championship chim lo in vawleicung ah a sang bik Karate zuamnak a si. Tutan zuamnak ah Myanmar ram aiawh in minung 7 an i zuam. Laksawng cotu Kachin ngakchia pathum hi Kachin ram ah sianginn a kai liomi an si.
Laksawng a cotu Kachin ngakchia pathum cu a ralaimi April 26 ah Myanmar ram an kir lai i Yangon airport ah sunglawi ngai in don an timh hna tiah theih a si.
Ref: BBC Burmese
About The Author
