Kachin Ralzam Caah TCF Nih Khrihfabu Kip Sin In Ks. Sing 56 Renglo A Chuak

0

Salai Elvis| 2018 July 31| Thantlang Christian Fellowship (TCF) tawlrelnak in ralruang ah harnak a tongmi Kachin ralzammi caah tiin Thantlang Khrihfabu kip sinah cabawm phawt in bawmhhalnak an tuahmi cu a tangka fang in sing 5,694,900 a chuak tiah theih a si.

Kachin bawmhnak in tangka a chuakmi hi zeitindah kan tawlrel ning a si lai ti a fiangrih lo’ tiah TCF Chairman nih a chim.

“Thantlang khuachung TCF nih Khrihfabu kip sin ah Kachin ralzaam bawmhnak caah tiin cabawm phawt an si i mah zat hi a chuak. Kan rak ruah chih pahmi cu, kan ruahnak lengin a tam ko ah cun Paletwa lei zong hi ruah chih pah dingin kan ti hna mi a si. Kan i ruahnak lengin a tam ko caah hi kong a tawlrel ning General kan auh than lai i Kachin ralzam caah ti a si ko caah anmah bak hi i pe ko seh ti si le zapi hnatlaknak a si ko lai. Va pek chanhnak kong zongah anmah KBC lei zong kan chawnh hna lai i anmah lei aw-ka zong kan ngai than lai. Mah va kal lo in Bank zongin kuat khawh thiam an si” tiah TCF Chairman Pastor Dr. Duh Sang nih TCP ah a chim.

Tutan Kachin ralzam bawmhnak caah Khrihfabu kip in a chuakmi cazin;

1. TBC (1,909,300),
2. SDA(33,000),
3. Holiness (200,000),
4. COTR (124,500),
5. GBC (131,000),
6. CJC (28,000),
7. EFC (25,000),
8. The Church (55,000),
9. AG (432,000),
10. Mara Baptist Church (32,000),

11. SBC (17,000), TCBC (595,000),
12. UPC (334,000),
13. BCM (483,500),
14. CJC Oneness (40,000),
15. Metthodist (55,000),
16. JMBC (786,500),
17. MEC (148,500),
18. PCM (139,000),
19. Sabbath (46,000) le
20. RC (80,600) an si.

21. TCBC (595,000)

TCF cu Thantlang khuachung Khrihfabu kip 23 aa fonhmi bu pakhat a si i Khrihfa bu pakhat le pakhat hmun khat teah riantuantinak, rualrem tein aa funtommi bu pakhat an si. TCF nih hartong bawmhnak Hakha, Mizoram ah an rak bawmh bal cang hna i a tubantuk in Kachin ralzam hna zong bawmh an timh than hna hi a si.

About The Author

Na ruahning rak langhter ve.. (Leave a comment)

%d bloggers like this: