Kachin Ralzam Sining dirhmun langhternak Hruaitu Paul le Seng Nu Pan Thongthlak An Tong

0

Pau le Seng Nu Pan/ RFA

The Chinland Post| 2019 September 2| 2011 kum June 9 in Kachin ram ah Kawl Ralkap le Kachin KIA an ikahthan kum (8) tlinni June 9, 2019 ah Kachin Mino bu hruainak in Kachin ralzam an temtuar ning le an harning muisam langhternak (drama) an tuah lio hruaitu Paul le Seng Nu Pan cu September 2, 2019 ah ni (15) thong thlak dingin Myikyina Biaceihzung nih bia a chah.

Kum 8 chung ralzam hna inntuarning philhlonak caah kan langhter thil a si. Harsatnak le retheihternak a tuarmi hna nih zalong tein chimnak le langhternak nawl cu kan ngeih awk a si. Cozah kan dohnak ni puai a si lo tiah thonginn luhlai September 2, 2019 ah Seng Nu Pan nih a chim.

Chin Women Organizations’ Network Conference November 28-30, 2018 ah Kachin CSO Kong Chim lio Seng Nu Pan/ The Chinland Post

Hi muilangh hmuhsaknak (drama) tuahnak ding caah Cozah sin ah hnatlaknak an hallo caah duhnak langhternak Pohmah (19) taza kan cawi mi hna an si tiah Peng palek Yehmu Min Thant Zaw nih a chim.

Kachin mino hruaitu pahnih Paul le Seng Nu Pan hi Myikyina Biaceihzung nih August 26 ah a voi (11) zung auh hnu ah Sept 2 ah adonghnak bia an chahpiak hna hi a si. June 9, 2019 ah Kachin ralzam umnak Myikyina, Bamaw, Phakanh, Moekaung, Moenging  timi peng 10 leng a ummi ralzam sakhan (140) chungkhar le mino hna ibawmh in kum 8 chung an temtuarnak a langhtermi muilanghter hmuhsaknak cu Myikyina Bochoke pangpar dum ah an rak tuah tiah theih a si.

Ref: RFA + Kachin Youth Movement

About The Author

Na ruahning rak langhter ve.. (Leave a comment)

%d bloggers like this: