Kachin Ram Kahdohnak Ah SAC Second Battalion Commander A Thi
The Chinland Post | 2023 September 14 — Kachin ram, Waimaw pengkomh le Japu karlak ah KIA, KPDF phufonh le SAC ralkap karlak kahdohnak ah SAC lei Second Battalion Commander a thi tiah RFA nih a langhter.
A luancia zarh ah, Myitkyina khua in a rak chuak mi SAC ralkap pawl cu KIA, KPDF phufonh pawl nih an kah hna i a thi mi le hliam a tuar mi an zapi 30 deng an um tiah Colonel Nawbu nih RFA ah a chim.
Banmaw in Nansanyan lei ah a kai mi SAC ralkap pawl zong Kalamyan khua ah KIA nih an kah ṭhan hna i 10 leng an thi, 70 hrawng an i hliam tiah theih a si.
September 9 ah SAC ralkap pawl nih an kah mi hriamngan nih Dawphoneyan sianginn a khen i siangcachim 2 an i hliam.
SAC ralkap nih Laiza khua pawngkam ah hriamngan an kah lengmang i KIA le PDF pawl zong nih SAC ralkap sakhaan umnak pawl kha Drone, hriamngan hna hmang in an doh ve hna tiah theih a si.
A luancia August 3 ah Kachin ram, Waimaw peng, Maliyan khua ah a um mi SAC ralkap sakhaan cu KIA nih an kah i sakhaan an lak hnu ah SAC ralkap nih kahdohnak fak an tuah lengmang hi a si.
About The Author
