Kalay Ah A Hmasabik Taang Aa Seengtlaimi Faphiar Nu Pahnih Hrin An Si
TCP-Hakha| 2019 February 1| 2019 February 1, Kalay Sii-inn ah khuaruahhar in taang aa seengtlaimi faphniar nu pahnih cu tlamtlingte in a hmasa bik an hrinter khawh hna tiah Kalay sii-innpi in theih a si.
Aungmingalar sang, No.3 ah khua a sami U Kyaw Ze Yar nupi Daw Thida Win (kum 28) nih February 1 zingka, Kalay sii-inn pi ah pound 8 a simi taang aa seengtlaimi faphiar nu pahnih a hrin.
Ngakchia siibawipi Dr. Nuh Nuh Htwe nih, “Atu hi kan ngiatthlai rih ko hna. An ngandam ko ahcun Mandalay sii-inn ah kan thial hna lai i operation an tuah than hna lai” tiah a chim.
Kalay sii-inn in taang aa seengtlai faphiar cu a hmasa bik operation tuah in an hrinter khawh a si i Myanmar ram pumpi ah taang aa seengtlaimi faphiar kawp 7 an hrinter khawh cang hna. Faphiar in a chuakmi taang aa seengtlaimi nu pahnih cu ngandamnak lei thlopbulnak le operation tuahnak caah bawmhchanh an herh. Bawmhchanh a duhtu hna paoh nih hringtu nu le pa sin aislole sii-inn uk sin in bawmhchanh le hlut khawh a si tiah kan theih.
Ref: Voice of Myanmar
About The Author
