Kalay ah avoi 1nk Coivd-19 mizaw an hmuh; VP Henry Van Thio le chungkhar cheknak a phichuak

Kawlram Ministry of Health and Sports nih April 15, zingka sml 10 i thawngthanhnak a tuahmi ah Kawlram ah Covid-19 zawtnak aa chapmi minung 12 an um tiah a thanh. Cu chung ah minung pakhat cu Kalaymyo in a si tiah kan theih.

Kalaymyo ah Covid-19 zawtnak an hmuhmi hi kum 63 nu sin in a si i, anih nih avoi 1nk bik an hmuh hmasa mi Tedim pa he pehtlaihnak a ngeimi an si. US in Kawlram a tlun lio ah Kalay i a tlunnak inn ngeitu a si.

Kawlram Vice President Henry Van Thio le a chungkhar telh in minung 30 zong Covid-19 zawtnak kong an chek hna i aho sin hmanh ah Covid-19 zawtnak hmuh a si lo tiah Kawlram cozah in chimnak nawl ngeitu U Zaw Htay nih RFA sin ah a chim.

VP Pu Henry Van Thio cu February 9 ah thawngthachim David Lah he an i ton ruang ah atu bantuk in ralrinnak ah amah he a chungkhar he checknak an i tuah hi a si.

Nihin tiang Kawlram ah Covid-19 hmuhmi dihlak 74 chung ah minung pali an thi i pahnih an dam cang. Chin ramkulh Tedim in hmuhmi minung pathum an i tel.