Kalay Ah Chin Nunphung Paih Zuamnak Phunthum An Tuah Lai
Hakha-TCP | 2018 October 24 | Sagaing ramthen Kalay, Tahan ah Seven Cable Network tawlrelnak in Wrestling Championship 2018 tiah auhmi Chin nunphung Paih zuamnak cu October 23 in November 15 tiang an tuah lai tiah kan thieh.
Cu Paih zuamnak cu phunthum in an then i a pakhatnak ah (Pate) in pound 120 tang, pahnihnak (Palaihawl) in pound 121 in 139 kar le Pathumnak (Palian) cu pound 140 leng tiin an i zuam lai i Seven Cable Network Channel 5 le Youtube in an thlah tiah kan theih.
Hi Paih zuamnak ah laksawng cu (Heavyweight) Champion caah 500,000 le Taisawm, pahnihnak laksawng 250,000 an pek hna lai. Middleweight Champion pakhatnak laksawng caah ks. 400,000 le taisawm, pahnihnak laksawng cu ks. 200,000, Light Flyweight Champion pakhatnak cu ks. 300,000, pahnihnak laksawng 150,000 pek an si lai. Semi Final tiang a phan khomi cu thiamhlei laksawng pek an si lai.
Mizo Pa Inchai (Wrestling Championship 2018) Paih zuamnak ah zuam a duhmi paoh nih October 22 Chun suimilam 12:00 tiang min pek khawh a si, pa lawng i paih a si lai tiah kan theih.
Ref: Khonumthung
About The Author
