Kalay ah cycle aa cit lio mi pa 2 SAC ralkap nih an kah hna, 1 a hmun ah a thi

The Chinland Post | 2023 March 2 — Sagaing ramṭhen, Kalaymyo ah SAC ralkap nih cycle aa cit lio mi pa 2 meithal in an kah hna caah pakhat a hmun ah a thi i adang pakhat aa hliam tiah theih a si.

March 2 zinglei sml 11:00am luan hrawng ah Taungzalat sang, Se-Myaung zung hmai ah cycle in aa chawk mi pa 2 cu zung chung ah hmunhma a khuar mi SAC ralkap nih an hnulei in an kah hna hi a si tiah Khonumthung Burmese nih a langhter.

Kahthahnak a chuah hnu in SAC ralkap nih mi chawklet pawl kha an check len hna tiah theih a si.

Kalaymyo ah cycle pakhat ah pa 2 i cit hlah u tiah nawl an chuah lo nain SAC ralkap pawl nih biahalnak um lo in an kah tawn hna tiah theih a si.