Kalay Ah M3 Phone Dawr An Bauh I Handset An Fir
City Hunter| 2018 May 27| Kalay Pinlung sang No.4, Bogyoke lamkam M3 phone dawr cu May 26 zinglei ah an bauh i handset thilri sing 12 renglo man an firpiak hna tiah Kalay Palek sakhaan in tuanvo ngeitu nih an chim.
“Zan suimilam 12 ah kan it. Suimilam 2:30am hrawng ah ka tho, i dawr an bauhmi nehnang lawng ka hmuh. An nehnang zoh tikah ngakchia si dawh an si. Innchung ah an lut phone zuarnak dawrkhaan tawh an bauh i an fir hi a si” tiah phone dawr ngeitu Ko Myo Naung nih a chim.
M3 phone dawr cu Ce-ta-khun thil dawr nganpi he aa pehmi a si, Ce-ta-khun store dawr in an lut i thil an fir hi a si tiah theih a si.
Kalay palek sakhaan in tuanvo ngeitu pakhat nih, “Ahmuh an tuah, palek phu nih record an laak. Felfaite in kan chek lai i ya-za-tat-gyi pohmah 380 in kan tawlrel lai” tiah a chim.
Phone dawr an bauhmi ah packing funmi telh in handset 9, a zapi ks. nuai 12 man an firpiak hna. May thla chung ah thil fir ahmuh voi hnih a cang tiah Kalay Palek sakhaan in theih a si.
Ref: DVB Burmese
About The Author
