Kalay Ah Mizapi Inn Hlan Khawhnak Cozah Nih Sak A Timh
TCP-Kalay |2019 April 1|Kalay, Tahan sang ah mizapi inn hlan khawhnak timhtuahmi ah inn khan 8 ummi inn dot 4 pahnih le sang chung ah certual pakhat sak ding in khuakhannak an ngei cang tiah MP Daw Thant Wai Kyaw nih a chim.
Cun, ka-ci-win ah mizapi hman khawhmi zunput 4 ah a khan 8, tikhawlhnak pa khan2/nu khan 2 khan zong sak ding a si lai.
2018-2019 tangka kum Sagaing ramthen ah Kalaymyo khuachung lampi NC-Nylon kattaya lam tuahcuahmah lio a si. Aungmingala sang luti luannak zong sangchung um mizapi nih pumpak in an tuahnak ah Sagaing sipin lei nih Mirang vawlei tun 600 bawmhnak a pek lai.
Kalay khuachung/khuate dang zongah pumpak in Concrete lam a tuah mi hna an um ah cun Ramthen Sipin he komh in bawmhnak kan pek hna lai. Cun Aung Tit Sa Shwe Cawng Daw lam in Myo Hlah Sang tiang Khuachung velnak lam zong ser than ding in Sipin he kan zoh tiah Kalaymyo No.1 MP Daw Thant Wai Kyaw nih 2019 March 28 ah a chim.
