Kalay Ah Motor Le Cycle Zulhphung A Buartu Paoh Fakpi In Dantat An Si Cang Lai

City Hunter| 2018 August 2| Kalay ah motor, cycle le lam zulhphung a buartu paoh August 6 thawk in fakpi in tlaihkhihnak le dantatnak an tuah cang lai tiah theih a si.

Motor, cycle, lam zulhphung zulhding kong he pehtlai in motor license, driving license, cycle lukhuh aa chinh lomi, lukhuh aa chinh ko nain thate in a hri aa tem lomi, minung pahnih nak tam aa pherhmi pawl cu August 3-5 tiang fimchimh ralrin peknak caah an chek lai. Asinain August 6 thawk in motor, cycle le lam zulhphung a buartu paoh cu fakpi in dantatnak kan tuah cang hna lai tiah motor le lamral kilvennak lei (motor PK) phu sin in theih a si.

Kalay peng chung motor le lamral in him deuhnak caah khuapi chung sang 19 ah sangkhat ah cozah zung lei, zatlang mibu, palek, motor PK phu, meiphelh (mi-tat) phu, red cross phu, khuabawi, sang upa le catialtu telh in phu 38 an ser. Cu phu 38 nihcun Bogyoke lampi cung lawng si lo in second lam le inn karlak lam zong ah an chekfel cang lai tiah theih a si.

Ref: Khonumthung News

Na ruahning rak langhter ve.. (Leave a comment)

%d bloggers like this: