Kalay Motor PK Nih Motor Cycle Kethum Ngei Ser An Onh Ti Lo
TCP-Kalay| 2019 February 6| Kalay ah Motor PK zung nih motor cycle kethum ngei (site-twe) pawl hi motor lam lei upadi phunglam nih a onhmi a si lo tiin cu bantuk motor ser an khamh tiah kan theih.
Motor Cycle kethum ngei (site-twe)hi kehnih ngei motor cycle kha mah siaremnak in sehhmuh zone ah remh le serpiak mi a si. Kehnih ngei cycle ah minung( 2) lawng citnak nawl a um mi kha ke khat an bunh chap. Kethum a fong hlei i, thilri an phorh i break balance a um tuk lo. Cun khat lei ke ah break aum lo mi le break serchom mi a si caah harnak a tong kho mi a si tiah motor lam lei upadi phunglam zong nih a onh lo. Cucaah, 2019 February 15 hlan ah ke khat kha bunh ti lo ding in Motor le Lam zohfel tu zung nih nawl an chuah.
Kalay MP Daw Thant Wai Kyaw nih, “Nihin Site-twe ngei tu hna harnak an tonnak kong he pehtlai in Sagiang ram Chief Minister Dr. Myint Naing sin ah bia ruahnak ka ngeih lo ah CM nih mah Site-twe ngeitu pawl pawcawmnak ah harnak ing lo ding tein mah kong ruahpiak ding in pengkulh bawi sin ah thawngthanhnak a tuah ko” tiah a Facebook ah a langhter.
Cun MP Thant Wai Kyawi nih site-twe hi phungning in license an tuah le peng chung hmannak nawl ngei kho ding in Upadi ningte in tawlrel a herh ruang ah mah upadi thar serkho ding in tuanvo kan ngei. Cun License a ngeimi Kethum (site-twe) ngeitu hna zawnruah piak chih a hau ve. Sitetuai mawngtu zong nih ralring le felte in nan mawngh a hau tiah a tial chap.
1988 Generation (Nyein/Point) zong nih Kalay peng (Site-twe) ngei union bu ser ding le License hmu kho dingin Kalay Town hall – 2019 February 5 ah sitetuai ngeitu hna he meeting tuah dingin cathanh an chuah tiah The Chin Land Post nih thawng kan theih.+++
About The Author
