Kalay Ah Pa Pakhat Hri Aa Awk I A Thi; Ca A Tialtakmi An Hmuh

0

City Hunter| 2018 April 24| April 21 chun, Kalay, Aungmingalar sang No.3 in khan (meng) khat tluk aa hlatnak tower tung pawng ram lakah hri awk in a thimi pa ruak pakhat kan hmuh tiah Kalay palek sakhaan in Doh-ye-uk Yu Pah nih a chim.

“Zeitik ah dah a thi timi cu fiangte in kan hngal kho lo. Sangmi nih thawng a kan thanh i kan va zoh tikah cun vampang aa phit lomi deuthlam chung ah beimi zaal hri in aa awk i a rak thi cang. Cu aa awknak zaal chung ah a thih hlan i ca a tialtakmi kan hmuh” tiah a chim.

A thimi pa nih a thih hlan ah a tialmi ca a si lai tiah ruahmi catlap ahcun a nupi sin ah bia a cahmi catlap pakhat kha kaphnih in tialmi catlap he hmunkhat te ah an hmuh i a thimi pa hi fa pathum a ngeimi hringtu pa a si tiah theih a si.

A thimi pa hi Aungmingalar sang ummi Tun Hlaing Win (kum 34) a si i motor mongh rian a tuanmi a si.

Atu bantuk in a thihnak he pehtlai in Kalay palek sakhaan in Doh-ye-uk Yu Pah nih No.6/2018 in a hmuh a tuah i zeitindah a thih ning a si timi sii-inn ah chekhlatnak an tuah tiah theih a si.
Ref: DVB Burmese

About The Author

Na ruahning rak langhter ve.. (Leave a comment)

%d bloggers like this: