Kalay Ah RC Father Pawl Ca An Cawnnak Sianginn A Kaang
TCP-Hakha| 2019 April 4| Kalay ah Roman Catholic (RC) father pawl ca an cawnnak sianginn cu April 4 chun suimilam 1 hrawng ah a kaang tiah kan theih.
Mei a kanghnak hmun cu, Kalay, Thazin sang ah a si. a kaangmi cu RC sianginn velchum chung i a ummi father pawl ca an cawnnak sianginn dotthum a si. A cungbik dot in kaangh hraam aa thawk. Tuchun suimilam 1:00pm tluk ahkhan electric mei a sawtnak in a kaang tiah mei kanghnak hmun a ummi mino pakhat nih The Chinland Post ah a chim.
Meithat motor an ra i mei a kaangmi cu an phelh nain tamtuk a kaang manh cang. Mi a thimi cu an um lo tiah kan theih.
Chin ramkulh meithat zung cazin ning in 2018 January 1 in 2019 March 21 tiang ah inn 46 a kaang i minung 3 an thi. March 22 zan Mindat zong ah inn 4 a kaang. March 21 zenglei suimilam 11:00 hrawng, Hakha peng, Lungthin khua ah motor cycle cung chiahmi datsii pung in mei kanghnak a chuak i mei kangh hliamhma in KG a kai liomi kum 7 ngakchia Khua Za Uk a thi tiah kan theih.
Hika ah inn a kangh lio Chin World nih an thlakmi video zoh khawh a si.
Photo: Tet Naing Tun
About The Author
