Kalay ah SAC ralkap mawṭaw bom an puahhnawh

0

The Chinland Post | 2022 July 25 – Sagaing ramṭhen, Kalay khua lam tonnak in Regional Command Headquarters lei ah a kalmi SAC ralkap mawṭaw cu July 23 zinglei ah bom kan puahhnawh i a thimi an um tiah PDF-Kalay nih a thanh.

July 23 bom puahhnawhnak chungah SAC ralkap 5 an thi i a voihnihnak bom puah hnawh lioah SAC ralkap mawṭaw fak ngai in a khen i lam kam ah a tap. Mawṭaw cung ummi ralkap pawl hrumai thawng zong a thang tiah PDF-Kalay nih a langhter.

SAC ralkap pawl bom puahhawh lioah mipi pakhat bom nih a khen sual i aa hiam timi thawngpang kan theih caah PDF-Kalay kan lung a ṭha lo tuk i a hliamma a tuarmi chungkhar zong zangfah kan in nawl hna tiah nawlnak zong an langhter chih.

Cun, SAC ralkap kan doh hna tikah a si khawh chung in mipi ṭhihphaih lo ding kan i zuam lai. Mipi hna zong nih SAC ralkap an umnak le an pawngkam ah umkal lo ding rak i zuam uh tiah forhfialnak an tuah chih.

About The Author

Na ruahning rak langhter ve.. (Leave a comment)

%d bloggers like this: