Kalay Ah Thetse Phor Motor Nih Transformer Seh A Pah Ruang Ah Minung Pakhat A Thi

The Chinland Post| 2019 January 4| Kalay, Indynegone sang market pawng ummi Transformer seh cu thetse phor motor pakhat nih January 4 zingka sml. 10:30 hrawng i a pah ruang ah motor aa citmi minung pakhat a thi. Motor mongtu cu a zaam tiah theih a si.

Thil a canning cu motor mongtu Pu Sin Pi (a zaammi) monghmi motor number MDY-2P-9707 hi Indynegone sang No.6 Pyidawtha lam pawng i electric mei transformer seh 200KVA a pah ruang ah meitung pathum a kiak i transformer seh pakhat a rawk. Motor mong Pu Sin Pi cu motor aa leh hnu ah a zaam i motor aa cit vemi U Soe San (kum 20) hrawng cu fak ngai in aa khawnden caah Kalay sii-inn i an phakpi hnu ah a thi.

Motor ngeitu cu Kalay khuapi chung Chanmae Aungse sang ummi Pu Khaine Lam Thang a si.

Indynegone sang khuabawi Pu Pek Tlung nih, “Atu peng electric lei tuanvo ngeitu hna le motor ngeitu hna cu khuabawi zung ah ton biaruahnak a ngeih hna. Seh zeitluk in dah a rawh timi chekhlat hnu ah zeitindah sualphawt a si lai timi cu a fiang te lai” tiah a chim.

Ref: Zalen

Leave a Commnet

%d bloggers like this: