Kalay Bogyoke Lam Pi An Kauh
TCP-Kalay| 2019 February 26| Kalay Bogyoke lampi pe 100 lam ser ding in Sipin le Kalay khuanu/pa tonbiaruah hnathlak in lam kauh hram an thawk.
2018-2019 budget ah Kalay-Falam-Hakha lamtuahnak ah Ks.296.3million dih in Lam le sul Department nih budget a pek. A tu ah lamtonnak (lansung) in nithlak lei an hun kauh cang caah R.T.C tiang cu 2018 kum ah an dih hngawt cang. Atu hi R.T.C in Shine Hone Hotel in Buda lampiak tiang an hun kauh tikah cheukhat inn hrawkpiak a tong mi le warrenda tiang lakpiakmi hi a tam ngai.
Lam an kauh pah in Lamkam luti luannak zong concrete in K&F Construction Co. Ltd nih an tuan cuahmah lio a si.
Cun Bogyoke lam in thlanglei lam G.T.U tiang hi Nylon Kattaya lam an phanh. Cheklei cu hlan lio India nih Tamu tiang an rak ser cang. A tu nithlak lei Nylone kattaya hi Sanmyo Phungki sianginn tiang an phah. Khaikam peng tiang phah an timh. Bogyoke lam kam ummi hna cu cozah nih alak tein lamserpiak a si ko natein secondline in a hnulei vialte cu Kattaya lam phah ah cun inn ngeitu nih pe khat ah kyat 5000 pek a si tiah The Chinland Post nih thawng kan theih.+++
About The Author
