Kalay Bus Stop Chung Concrete Vawlei An Phah Cuahmah
TCP-Online| 2018 March 14| Kalay khuachung ah a nganbik mi Bus stop chung cu Concrete vawlei an phah cuahmah.
Bus stop chung a bingbohmi a tam tuk caah tukum January thla khan tthese le lung hna in an rak phah. Tuthla ni 10 ni thok khan concrete vawlei phah hram an thok hi a si.
“Kalay peng sipin nih an phahmi a si. Hi vawlei phahnak ah hin Kyats sing 700 a dih lai” tiah Kalay khuachung motor lei chawletmi hna tawlreltu bu ah lutlai U Soe Win nih a chim.
Kalay khuachung ah Bus Stop pahnih a um i pakhat cu Kaalewin tiah auh mi khuachung lei kap ah a um. A dang pakhat cu Kaaciwin tiah ti a si i Taungzalat sang ah a um. Cu Bus stop cu 1994 kum ah rak hunmi Bus stop pakhat a si. 2014 kum ah mah Bus Stop cu an rak kauh chap i Motor gate zong tampi aa chap cang. Tu ah a chung zong concrete an phahmi hi a si.
Ref:IP RD
About The Author
