Kalay In Laitlang Lei Kainak Nawl An Phih
The Chinland Post | 2023 July 3 — Sagaing ramṭhen, Kalaymyo in Chin ramkulh chung khuapi hna ah a lutchuak tawn mi mawṭaw pawl cu July 2 thawk in SAC ralkap pawl nih Gate in luhchuahnak nawl a phih hna tiah mawṭaw mawngtu pawl nih RFA ah an chim.
Chin ramkulh chung in a rak ṭum mi mawṭaw le cycle pawl cu umkalnak nawl an awnh ko hna nain Kalaymyo in Chin ramkulh chung a kai ding mawṭaw pawl cu an awnh ti hna lo tiah a chim.
“Thilphor mawṭaw pawl, khualtawng mawṭaw pawl cu Kalaymyo 8 Miles in an kham hna, an kirter ṭhan hna. Cycle zong in kai a ngah lo. Chin ramkulh in Kalay lei ṭum bel cu a ngah. A kai lei ngah lo” tiah khuami pakhat nih RFA ah a chim.
Kalaymyo cu Chin ramkulh chaklei peng pawl caah thil luhchuahnak le India ramri kalnak caah a biapi tuk mi khua a si.
About The Author
