Kalay khua chungah kahdohnak a chuak
The Chinland Post | 2022 April 9 – Sagaing ramṭhen, Kalay khua, Inndaingkone sang ah April 9 zinglei sml 10:00am hrawng thok in SAC ralkap le mipi hriamtlai phu karlak ah kahdohnak a chuak.
Tawngphilar tlang in SAC ralkap nih sang chungah hriamngan in voi 2 an kah.
Khuami pakhat nih “A hlan tlang cung in an kah tawn ah mah tluk hin a thang lo. A tu cu thang taktak. Kan hnakhaw zong a fak dih. Khoika a tlak cu a fiang in theih a si lo nain kan i nai te ko” tiah a chim.
Zinglei sml 11:30am tiang hrawng meithal thawng theih a si tiah Zalen nih a langhter.
