Kalay khuachung ah kahdohnak a chuah hnuin SAC nih ralkap thazang a chap
The Chinland Post | 2022 May 30 – Sagaing ramṭhen, Kalay khuachung, Tahan sang ah kahdohnak a chuah hnu in SAC nih May 19 thok in ralkap thazang a chap i Security a rengh tiah theih a si.
“Helicopter in khua a hel. Khuachung ah ralkap nih thazang 300 hrawng a chap i Security a rengh” tiah Kalay khuami hna nih The Irrawaddy ah a chim.
May 28 zaanlei ah Kalay khua Tahan sang ah hmunhma a khuarmi SAC ralkap pawl cu Zomi PDF telh in PDF phu 5 fonh nih an i relh lo kar ah an kah hna i Tahan bazaar a cung ah a ummi SAC ralkap pawl zong nih hriamngan in Tahan sang chungah an kah ve.
PDF phufonh hna kahdohnak ruangah SAC chungtel cheukhat an thi i SAC nih kahmi hriamngan ruangah mipi 3 an nunnak a liam tiah theih a si.
Zomi PDF nih May 28 kahdohnak chungah a hohmanh hliamhma tuar lo tein kan kirtak khawh hna tiah a thanh.
SAC ralkap nih an kahmi hriamngan ruangah Kalaymyo, Sanmyo sang i No.8 B.E.H.S zong a kang tiang theih a si.
About The Author
