Kalay khuachung SAC nih kahmi hriamngan ruangah mipi 3 an thi

The Chinland Post | 2022 May 30 – Sagaing ramṭhen, Kalay peng ah SAC ralkap nih a kahmi hriamngan ruangah thla 6 fa a ngeimi nu 1 le ralzaam nufa 2 tiin an zapi te minung 3 an thi tiah thawng theih a si.

May 28 zaan sml 7 hrawng thok in SAC ralkap pawl nih Kalay peng, Tahan sang chungah hriamngan an kah, SAC ralkap nih kahmi hriamngan cu Tahan sang Agape siizung hnulei inn pakhat cungah a tla i a puah caah nu 2 le pa 1 an thih hi a si.

Sagaing ramṭhen, Minkin in a rak zaammi kum 45 nu le kum 27 a simi a fapa cu an hmun ah an thi colh i kum 25 a si i thla 6 fa a ngeimi nu 1 a thi ve tiah theih a si.

SAC hriamngan ruangah a thimi hi MC Vanlalawmpuii (Puipui) a si i thla 6 a simi a fate a tantak tiah theih a si.

Na ruahning rak langhter ve.. (Leave a comment)

%d bloggers like this: