Kalay le Taingen karlak ah SAC ralkap bom an puah hnawh hna, 3 an thi
The Chinland Post | 2022 October 24 – Kalay le Taingen karlak ah a ummi SAC ralkap sakhaan in ralkap le an uico pawl cu khualtlawng mipi pawl sin in tangka hal dingah sakhaan chungin a rak chuah lioah ah CDM-Siyin nih khor chung in an bawh hna i pe 10 hrawng aa hlatnak an rak phak ah bomrap an puah hnawh hna, a hmaicem ah a kalmi SAC ralkap 3 cu an parh dih tiah CDM-Siyin nih a thanh.
A hnu deuh ah a rak raami SAC ralkap pawl le CDM-Siyin karlak ah min 10 hrawng kahdohnak a chuak i mipi hriamtlai pawl him tein an kir kho tiah a thanh.
Cun bawmh ding in a rak kaimi SAC ralkap mawṭaw 3 cu Oct 14 ah Heinzin khua le Coffee dum karlah ah CDM-Siyin nih min 8 hrawng an kah hna.
SAC ralkap pawl cu Taigen khua an phak ah thazang 30 hrawng lawng an tang tiah kan theih tiah an langhter.
