Kalay Peng CaungTeih Khua Nih Motor Cycle 8 Fir Tu An Tlaih
TCP-Kalay | 2019 April 7| Kalay peng Caung-Teih khua Motor Cycle remhnak dawr ah cycle fir minung 2 an tlaih hna tiah kan theih.
Kalay peng Caung-Teih khua Motor Cycle remhnak dawr ah cycle fir minung 2 an tlaih hna. Zarhkhat chung biahalnak an tuah hnu ah motor cycle an fir mi dihlak 8 cu a ngeitu sin pek than ding in kan hlat lio a si tiah sang veng tu police Dal Ring Thang nih a chim.
“Kan hnu March thla dih zarh ah Caung-Teih khua New Moe motor Cycle remhnak dawr ah lunghrinh mi 2 cu cycle remh ding an ra tiah thawng kan theih i khua ah kan vun kal i bia kan hal hna tik ah mifir an si kan theih. Nihin ni tiang ah motor cycle 8 an fir cu kan theih. Motorcycle a ngei tu hna kan hlat cuahmah lio a si” tiah Police Dal Ringthang nih cun a chim.
Mah mifir hna hi Caung-Teih khua mi Nyo Linn le Aung Zaw Lin an si i pah number 490 pohmah 380 in tazacuai an si nakhnga tawlrel lio a si. Kalay Myomah police sakhan ah an chiah hna tiah thawng kan theih.
About The Author
