Kalay peng kahdohnak ah CDF-Hakha in pakhat nih a nunnak a pek

Post Staff| 2022 February 10 — Kalay peng kahdohnak ah CDF Hakha in miphun hriamtlai pakhat nih nunnak a pek tiah theih a si.

Hi kong ah, “Kalay peng thlanglei, Ciantha khua ah hmunhma a lami ralhrang pawl le Pyu Saw Htee pawl cu PDF- Kalay, CDF- Hakha, CDF- KKG, RKDF lei mipi hriamtlai phu hna nih 2022 February 10, zing sml 6:30am in an kah hna i sml 3 chung kahdohnak a chuak,” tiah Kalay PDF nih thanhnak an tuah.

Cu kahdohnak ahcun, ralhrang leitangmi phu Pyu Saw Htee lei in 15 hrawng an thi.

Miphun hriamtlai lei, CDF- Hakha in ralkap pakhat nih ram caah a nunnak a pek i 1 a hliam tiah PDF- Kalay nih thawng an thanh.

CDF Hakha in a nunnak a liammi hi Facebook a min langh ning cun Rolen Lian a si.

Gangaw chaklei, Myaungkhinyan le Hanthawady lei in ralkap mawtaw 3, ral bawm dingin an kai caah mipi hriamtlai lei cu hnu an kir tiah theih a si.#

Na ruahning rak langhter ve.. (Leave a comment)

%d bloggers like this: