Kalay peng kahdohnak ah SAC ralkap 10 an thi

The Chinland Post | 2022 April 11 – Kalay peng thlanglei, Yangyiaung khua in Kalay lei ah a rak kaimi SAC ralkap thazang 140 hrawng cu Helauk khua pawngah CDF-KKG battalion 3 le CNDF fonh in April 10 zinglei sml 11:00am hrawng ah an bawh hna i kahdohnak a chuah caah SAC ralkap 4 hrawng an thi kho men tiah CDF-KKG nih a langhter.

Chun hrawng ah CDF-KKG battalion 3 le CNDF phukomh in Panmon khua pawngah an kah ṭhan hna i SAC ralkap mawṭaw a rawh lengah ralkap 2 an thi kho men tiah a langhter.

Zaanlei sml 4:00pm hrawng ah Natchaung khua pawngah CDF-KKG battalion 3, CNDF le SAC ralkap karlak ah kahdohnak a chuak ṭhan i SAC ralkap 4  hrawng an thi tiah theih a si.

SAC ralkap le mipi hriamtlai phu karlak ah kahdohnak a chuak ṭhan khomi a si caah mipi hna nih Kalay-Gangaw lam zul rih lo dingin CDF-KKG nih thawngthanhnak a ngeih chih.

Na ruahning rak langhter ve.. (Leave a comment)

%d bloggers like this: