Kalay peng kahdohnak ruangah Tanpho khuami an zaam dih
The Chinland Post | 2022 August 29 – Sagaing ramṭhen, Thlanglei Kalay, Tanpho khua pawng August 23 ah SAC ralkap le CDF-KKG karlak ah a chuakmi kahdohnak ruangah khuami zapi in an zaam dih tiah theih a si.
Tanpho khua hi inn dawng 400 leng in milu 1,500 leng khua an sa i an zapi tein a pawngkam khua le ramlak ah an zaam dih caah umnak le eidin bawmh an herh tiah theih a si.
August 23 ah Thlanglei Kalay Yangyiaung khua ah hmunhma a khuarmi SAC ralkap pawl cu Yangyiaung le Tanpho khua karlak an kal lioah CDF-KKG he an i ton caah kahdohnak a chuak i SAC ralkap lei in bo 2 ralbawi a thi tiah CDF-KKG nih a rak thanh.
About The Author
