Kalay Peng Khua 7 Nih Khua Thanchonnak Ca Bawmhnak An Hmuh
TCP-Kalay| 2019-March 4| Khuate Thanchonnak (VDP) bawmhnak in Kalay peng khua 7 nih sing 100 cio an hmuh.VDP bawmhnak pekchanhnak ah Pyithu Hluttaw MP Daw Siami le ramthen Hluttaw MP Daw Thant Wai Kyaw, pengkomh planning committee Lutlai U Khin Maung Cho, Pengkomh Lahwahkah (Immigration)lutlai U Thein Zaw le peng chung lutlai nih an telpi hna.
2018-2019 budget kum VDP bawmhnak a hmumi hna khua cu; 1.A Seih-Si, 2.Caung-Teih, 3.Kanpale, 4. Khonedonemyotha, 5.Ceihkan, 6.Pyindawoo le 7. Ciamin khua an si.
Cun, thlanglei khuate Natchaung khua, Hakhalay khua, Chawngkhuah khua, Panhmongchaung khua, Aungchianethar khua, Ngapha khua mi lei ekah 940 caah Panhmongchaung dam le Ngapha-Hakhalay dam remhnakding budget cu 2019 budget kum caah an hal i Sagaing ramthen Dam(Semuing) minister U Kam Za Hmung nih budget nan halmi ning in tuah kan i zuam lai tiah bialehnak a ngeih tiah thawng kan theih.
2019 kum Kalaymyo peng Aungminthar hlei remhnak ding caah 130 million le Nuaywa le Sinywa lamremhnak ah Ks.66million, dinti bawmhnak Chin Suh/Sekyi/Lechia/Muangsung sianginn caah Ks.66.126 million le peng chung huap budget 262.126 million cu Sagaing ramthen cozah sin ah hal kan timh tiah MP Daw Thant Wai Kyaw nih a chim.
About The Author
