Kalay Peng Mitlau Kawlnak

0

Hmanthlak ah nan rak hmuh cio bang Kalay peng Chin nu Mai Sarah Duh Hnem Kim cu tuni in a tlaunak ni 20 a tling cang i tu tiang an hmu kho rih lo.

Kalay khuachung Taungzalat-8 ah a ummi Pu Van Peng le Pi Mang Ve hna fanu Mai Sarah Duh Hnem Kim (Kum-15) tangkua a kai liomi cu February 18 ni zarpi zing pum a kalnak in tuni tiang inn a hlam ti lo, tuni in cun ni 20 a tling cang.

Hi kong he pehtlai in hringtu a pa Pu Van Peng nih “ka fanu hi Tuikhing lei ah tlangval a ngei. A tlangval pa he hin February 17 ni khan minutes 2 tluk an i chawn. Zeitin an hei i chawnh bel kan thei lo. Hiti a tlau tikah a tlangval sin zong kan hei kal i a tlangval pa cu inn ah a rak um ko. Ka fanu kong zeihmanh a thei ve lo. A tlangval pa nih cun a herhnak ah bawmh ding zong a kan kamh” tiah a chim.

“Ka fanu hi 2017 kum September thla hrawng khan a caan caan ah khuachia ka hmuh tawn ti a kan chim. Cu ti a si tikah camhthiam sin kan rak kalpi i a hngawng ah thi an orh. Cuti a orh piak hnu cun khuachia a hmuh than kong  a kan chim ti lo.”

Hiti an fanu a tlau tikah March 5 ni khan Kalay peng palek sin report an tuah. Palek lei zong nih an kawl ve len i tuni tiang an hmu kho rih ve lo.

Mai Sarh Duh Hnem Kim cu Kalay khuachung Pinlong Bazar pawng i UPC member an si. Hringtu a pa nih cun “Ka fanu hi motorcycle cit kan sianh bal lo. Nain, mah a tlauni hi Biakinn ah Solo sak an thiah caah a nau he motorcycle he cun tuan deuh ah biakinn an kal. A nau pawng (Toilet) a kal kar ah a tlaumi a si. Biakinn a kal tlawmpal ah kanmah zong pumh dingin biakinn lei kan panh ve ko nain kan hmu lo” tiah a chim.

Hmantlak ah rak hmuh cio bang in a hmumi nan um ahcun a tlaumi nulepa phone number (09441242972) ah hin pehtlai khawh an si.

Ref: Falam Today Media

About The Author

Na ruahning rak langhter ve.. (Leave a comment)

%d bloggers like this: