Kalay peng Tanpho khua ah a rak kaimi SAC ralkap kah an tong,1 a thi tiah CDF-KKG nih a thanh
The Chinland Post | 2022 August 26 – Sagaing ramṭhen, Kalaymyo thlanglei, Tanpho khua ah a rak kaimi SAC ralkap pawl le mipi hriamtlai pawl an i tong i kahdohnak a chuah caah SAC ralkap pakhat a thi tiah CDF-KKG nih a thanh.
Yangyiaung khua ah hmunhma a khuarmi SAC ralkap pawl cu August 23 ah Tanpho khua lei an kai lioah CDF-KKG he an i tong i kahdohnak a chuah hi a si.
Bohnih ralbawi pakhat a thi tiah khuami le ralkap he aa pehtlaimi nih an chim ko nain CDF-KKG nih kan fehter kho lo tiah a thanh.
Cun August 25 zinglei zongah Tanpho khua chungah hriamngan in an kah tiah cathanh ah a langhter.
Tanpho khua pawngah SAC ralkap le mipi hriamtlai phu karlak ah August 22 in kahdohnak a chuak i cu ni kahdohnak ah SAC ralkap 2 an rak thi.
About The Author
