Kalay Pengkomh Khua 10 Tikhur Cawhnak Le Dinti Laakpiaknak Caah Ks. Nuai 169 An Hman Lai
City Hunter| 2018 April 26| Sagaing ramthen cozah bu dudget in khuate 81 dinti laakpiak timhmi chung ah Kalay Pengkomh in khua 10 aa tel. Kalay pengkomh khuate 10 dinti ngahnak le laakpiaknak caah ks. nuai 169 an hman lai tiah kan theih.
Sagaing ramthen cozah budget nuai 1225.683 in 2018 April thla in September thla tiang thlaruk chung ah Sagaing ramthen pengkomh 9, khuate 81 dinti ngahnak rian phun 6 in kan tuahtuanpiak hna lai tiah Khuate Thanchonak Zung in Ramthen zung lutlai U Win Kyaw Myo nih a chim.
Kalay pengkomh khua 10 ah dinti khur 7 cawhnak le dinti laakpiaknak rian phun 3 caah ks. nuai 169 an hman lai. Kathar pengkomh khua 19 caah dinti khor 15 le dinti laakpiaknak rian phun 4 caah ks. nuai 246 an hman lai. Kantbalu pengkomh khua 7 caah dinti khur 7 caah ks. nuai 89, Khanti pengkomh khua 6 caah dinti khur 4 le dinti laaknak phun 2 caah ks. nuai 83.200 an hman lai. Sagaing pengkomh khua 7 caah dinti khur 2 le a dangdang ti ngahnak rian phun 5 caah ks. nuai 139.083 an hman lai.
Cu pin ah Monywa pengkomh khua 6 caah dinti khur 6 caah ks. nuai 93.700, Mawlake pengkomh khua 5 caah dinti khur 5 cawhnak caah ks. nuai 64, Yinmapin pengkomh khua 9 caah dinti khur 8 cawhnak le ti-inn sernak caah ks. nuai 139.200, Shwebo pengkomh khua 12 caah dinti khur 12 cawhnak caah ks. nuai 201.700 tuahpiak ding in Sagaing ramthen cozah thawngthanhnak zung nih an thanh.
Ref: DVB Burmese
About The Author
