Kalay Pinlung Lampi Cu A Pahnihnak Zatlang Lampi Ser Ding Ah An Remh Lai
Salai Cung Cung |2019 February 5| Kalay um Pinlung lampi cu Ks. Sing 1000 dih in a pahnihnak zatlang lampi ca hman ding ah Kah-ta-ya phah chap in an remh lai tiah Kalay peng Sipin committee Chairman U Tawng Shwe nih a chim.
Sipin Chairman U Tawng Shwe nih, “Sagaing cozah nih Kah-ta-ta phahtu ding tender a auh. Tender ngahmi nih Pinlung lampi in a hnulei LCEC Sianginn kalnak lei hi an phah lai. Pe 3000 hrawng hi tangka Nuai 1000 dih in phah ding ah tawlrel a si. Cozah lei nih tender an auh cang caah zeitik an thawk lai cu a fiang rih lo” tiah a chim.
Kalay ah zatlanglam pakhat a simi Bogyoke lampi zong an kauh liopi a si i a pahnihnak zatlang lam (second line) caah khualeng lam a simi Pinlung lampi cu remh ding ah tubantuk in an tawlrel hi a si tiah kan theih.
Ref: Chin World
About The Author
