Kalay-Rihkhawdar Motor Lam A Chiat Caah Khualtlawng Mi An Tlawm

TCP– Thantlang[ 2018 September-10] Kalay in Chin ramkulh Rihkhawdar kar lak lam a chiat tuk caah khual tlawng mi an tlawm tuk tiah Pyi-aa-man motor gate lutlai pakhat nih a chim.

“Motor pakhat ah aa cit mi minung 10 in 14 hrawng an i si peng nain tutan furpi chung lam chiat caah motor pakhat ah khualtlawng pathum/li lawng an si cang. Mah pin ah eidin tlawmpal an phurh chih mi lawng a si ko” tiah gate lutlai U Saw nih a chim.

Kalay-Rihkhawdar motor gate cu 2016 kum dih lei in rak hun a si nain fur caan ah cun lam a chiat caah minung le thilri phurh ding zong an har nak hi a si.

“Kalay in Tedim kar cu a chia tuk ti lo, Tedim in Rihkhawdar kar lak cu motor a kai he a zuan lei he kan har dih. Tihnung zong a si, hi lam cu tha sehlaw meng(khan) 30 tluk lawng a si ko caah caan rau lo teah kan phan kho hnga” tiah thilphur motor mawng pakhat nih a chim.

Lam a chiat ruangah thilphur motor cheukhat cu an i din chung. Rihkhawdar lei ah a bikin Tuluk chuak eidin pawl le kuan thei hna hi Haimual-jeep in an phurh i an kal deuh nak a si. Rihkhawdar cu November-December thla hrawngah khualtlawng an tam khun. Atu lio ah Rihkhawdar in Kalay lei kal mi motor gate 13 an um i har lengmang in ni chiar te an kal peng tiah theih a si.

Ref:DVB

Na ruahning rak langhter ve.. (Leave a comment)

%d bloggers like this: