Kalay-Taingen Kar Pe 600 A Sannak Chengpalang Ah Motor A Tla I Minung Pakhat A Thi
City Hunter| 2018 April 25| Chin ramkulh, Tedim peng, Kalay-Taingen kar motor lampi khan 29/1-2 zawn, April 23 zingka ah Hijet motor cu pe 600 a sannak lamthlang ah a tla i minung pakhat a thi, minung pahnih an i hliam tiah kan theih.
Thil a canning cu; 2018 April 23, sml. 9:30am, Tedim peng, Kalay-Taingen kar khan (meng) tung 29/1-2 kar zawn ah Kalay in Tedim lei a kalmi motor lamthlang ah a tlak hi a si. Kalay, Cuh-tung-pin sang ummi Gam Suan Lian (kum 23) nih a mongh i Monlai sang um Mg Lal Ngaih Thang (kum 18), he motor aa citmi hi minung pathum an si. An i citmi Hijet motor cu rang deuh in an mongh caah break an out kho ti lo i lamthlang pe 600 a sannak chengpalang ah an tla.
Mg Pau Suan Lian (kum 7) cu a hnulei a lubek a phing, a mithmai thi in a khat dih i motor an i lehnak hmun ah a thi. Mg Lal Ngaih Thang telh in motor zulhmi hna cu fak ngai in an i hliamkhuai cio. Gam Suan Lian cu Tedim palek sakhaan nih motor (ပ)၈/၂၀၁၈၊ ya-za-tat-gyi pohmah ၃၀၄-က/၃၃၈/၃၃၇ in dan an tat tiah Myanmar rampi palek phu nih thawngthanhnak an tuahmi ning in theih a si.
Ref: Thithtoolwin
About The Author
