Kalaymyo Ah Covid Zawtnak Ngei Case 358 A Dam I Sizung In A Chuak Cang

Salai Bawi Lian Sang| TCP-kalay| September 9, 2020| Kalaymyo peng Taungphila sang um (Traditional Hospital) Taingyin sizung ah COVID-19 hrik ngei (Positive) mizaw case 358 cu a dam(Negative) cang caah September 9, 2020 zan lei 3:15 ah sizung in a chuak i Kalaymyo  itkhum(300) sizung uk Dr. Aung Myo Win le ngandamnak lei tuanvo ngei hna nih  Mizaw pa umnak Tarzin sang 7/ Inn No.79 ah an va thlah tiah Kalaymyo Information zung in thawng kan theih.

Sagaing ramthen Kalaymyo ah Covid-19 pulrai in a zaw mi (7) an um i nihin ah zawtnak hrik a ngei mi an um ti lo.

“Pul ruang ah Sizung le Kalay University sianginn ah hren khumhmi hna le Khaikham gate, Natchawng-Chuangkhuah gate ah a duty mi hna caah zing, zan ei din tirawl cu nifatein pek peng a hau caah mipi lei nih nan si khawh tawk in kan bawm rih ko u”a tu bawmhnak nan tuahmi cung ah committee lei zong nih lunglomhnak tampi kan ngei tiah, Pul ral vennak committee nih TCP ah an chimchap.

Nihin tiangah  Yangon(Lockdown)mi peng chung um pawl Kalay an rak tlung mi(Ngandamnak ca) a ngeilo mi le Sang thokkhansa a ngei lo mi  poah University of Kalaymyo Sianghleirun sianginn ah ni 21 tiang  Quarantine an erh hna. Kalaymyo COVID-19 Pul ral runvennak caah CSOs Combined Committee kip,Pumpak,biakinn hna nih tangka le ei din an hlu mi an um.

September 8, 2020 zing 8:00 thawngthanhnak ah Myanmar ram chungah Covid-19 zawtnak hrik ngei mi1709 an si. Mah chung in Yangon (803), Rakhine (570), Mandalay (60), Sagaing(9) le Kayah ramkulh ah nihin tiang ah  zawtnak hrik an hmu rih lo.

Na ruahning rak langhter ve.. (Leave a comment)

%d bloggers like this: